Големи пожари се шират низ западниот дел на Соединетите држави, кои беа погодени од топлотни бранови со рекордни температури во некои области.

Во Калифорнија, според локалните власти, околу 20 куќи биле уништени во пожари, објави Ен-Би-Си.
Пожарникарите кои се борат со огнот велат дека воздухот е толку сув што испуштената вода од авионот испарува пред да ја допре земјата.

Властите наредија евакуација на населението од погодените области, а пожарникарите се обидуваат да го изгаснат пожарот под исклучително тешки услови.