Вечерва во Музејот на современа уметност во Скопје беше отворена голема ретроспективна изложба на дела изведени во јавен простор на хрватскиот уметник Игор Грубиќ.

Насловена како „Гестови на активација – дела во јавен простор“, големата самостојна изложба на Игор Грубиќ ќе претстави ретроспективен поглед на творештво на уметникот, дела создадени во повеќе медиуми од крајот на деведесеттите години до денес.

Неговите дела, од минимални гестови во форма на текст, фотографија или перформанс, до проекти што имаат вон-уметнички цели, ќе бидат поставени во МСУ, велат од музејот.