Невообичаена ситуација во Серија А, откако најголемите ривали за титулата го делат стадионот, а со тоа и местото каде би се прославил трофејот.

До крајот на сезоната во Серија А остануваат да се одиграат уште две кола во кои ќе ја следиме трката на двете екипи за шампионската титула.

Единствените преостанати кандидати за скудетото се Милан и Интер, а пред решавачките две кола „Росонерите“ имаат два бода предност пред „Нераѕурите“, на кои за титулата им се потребни двете победи, но и најмалку еден пораз на Милан, кој има подобар меѓусебен скор.

Една од овие две екипи ќе стане шампион на Италија, но прашање е кога и како ќе успеат да го слават Скудетото.

Меѓутоа, проблемите настанаа кога стана јасно дека „Радио Италија“ на 22 мај ќе организира концерт на плоштадот Дуомо, на кој ќе учествуваат голем број обезбедувачи и полицајци, па прославата на титулата тој ден ќе создаде дополнителни проблеми. .

Не би било спорно титулата да заврши во рацете на фудбалерите на Интер кои се домаќини во последното коло, но доколку до неа дојде Милан, што е пореално во моментов, тогаш може да има проблеми за безбедносните служби. Навивачите на Интер би морале што поскоро да го испразнат стадионот за да биде „ребрендиран“ за прославата, титулата која Милан ја чека 11 години!

Слична ситуација се случи и во 2008 година, кога Интер го славеше Скудетото на „Меаца“ на 18 мај по победата на гости кај Парма.

Истиот ден, Удинезе ги одмери силите со Милан, чии навивачи мораа брзо да се оддалечат од местото на настанот и да му го препуштат стадионот на вечниот ривал.