Во раните утрински часови полицијата ширум Хрватска започна со реализација на големата акција за разбивање на криминална група која изработувала лажни документи, пренесува хрватски „Индекс“.

Документите се изработувани за некои од најопасните криминални групации во Европа. Уапсени се околу 30 луѓе, а апсењето се спровело на подрачјето на Загреб, Карловац, Задар, но и други градови.

Постојат сомненија дека припадниците на оваа група од Хрватска набавувале и изработувале оригинални пасоши за српскиот „земунски клан“, како и припадници на црногорските „шкаљарски“ и „квачански клан“.

Станува збор за групации со кои се поврзува со повеќе од десет мафијашки ликвидации на неколку континенти.

Синхронизираните апсења се направени за неколку лица кои се сметаат за многу опасни.

„Индекс“ пренесува дека Н.С.(49), човекот за кој полицијата се сомнева дека е шеф на групата, утринава е уапсен во Хрватска.

Според неофицијални информации, уапсени се и неколку полицајци за кои постојат сомненија дека на припадниците на груапта од полицискиот информативен систем откривале податоци за индентитетот на хрватски граѓани кои би биле погодни на нивното име да се изработат лажни хрватски документи.

Исто така, неофицијално се дознава дека полицијата и Државното обвинителство ја планирале оваа акција веќе една година.