По слабите резултати во сите натпреварувања освен ФА Купот, актуелниот англиски шампион доби вести кои се чини дека ја продлабочуваат нивната криза.

Мануел Аканџи (29), незаменливиот среден бек на Манчестер сити, кој играше како десен бек во поразот од Реал Мадрид (2:3) во последниот натпревар, го повреди мускулот на споменатиот меч од Лигата на шампионите и ќе мора да оди на операција.

Според најавите швајцарскиот фудбалер ќе паузира најмалку два месеци. Аканџи се повреди на полувремето од првиот натпревар од плеј-офот од нокаут фазата во ЛШ, а сега неговиот тренер ја објави сериозноста на повредата и колку долго ќе отсуствува:

– Мануел утре ќе оди на операција. Ќе отсуствува од осум до 10 недели – рече тренерот на „граѓаните“, Пеп Гвардиола.

Клучниот играч на Сити затоа ќе се врати најрано во средината на април. Тој беше заменет од Рико Луис (20) против Реал, но Реал јасно постојано го таргетираше тоа крило во вториот дел, откривајќи дека без Аканџи тоа е слабата алка на противникот.