Утринава бил извршен голем хакерски напад врз веб-страниците на неколку украински министерства, јавуваат агенциите. Хакирани се се веб-страниците на Министерството за одбрана, Министерството за образование, Министерството за енергетика и Министерството за надворешни работи. Хакирана е и веб-страницата на државната служба за итни случаи.

Некои од страниците се недостапни, а на страниците на Министерството за надворешни работи се појави текст на руски, полски и украински јазик. „Украинци! Сите информации за вас ќе станат јавни. Плашете се и очекувајте го најлошото“, стои во пораката над која е прикажано украинското знаме.

Нападот се случи во време на големи тензии меѓу Русија и Западот околу Украина. Поради евентуална руска инвазија на Украина, беа одржани неколку рунди преговори со цел да се смират тензиите, но безуспешно.

Русија има концентрирани околу 100.000 војници долж границата со Украина.
САД експернсо излегоа со изјава околу хакерскиот напад кој утринава беше извршен врз дел од украинските министерства.

Соединетите Држави се „подготвени“ за сите сценарија со Русија, без разлика дали тоа е продолжување на дијалогот или „решителен одговор“ во случај на напад врз Украина

Од администрацијата на американскиот претседатек Бајден соопштија дека Вашингтон ќе се консултира со НАТО сојузниците и партнерите за следните чекори“

Според американската разузнавачка служба, Русите се уште „не донеле конечна одлука“ за евентуална инвазија на соседната земја.