Добро познатата компанија Nissan забележа големи загуби и става катанец на седум фабрики. Новиот директор, Иван Еспиноза, презентираше план за драстични намалувања, вклучително и отпуштања. Nissan објави загуба од 4,5 милијарди долари во последната фискална година. На годишниот состанок во Јокохама, акционерите на Nissan го изразија своето незадоволство од Управниот одбор поради длабоката криза во која се наоѓа јапонскиот производител на автомобили.

Ова беше првото собрание со новиот директор Иван Еспиноза, кој го замени Макото Учида во април. Акционерите остро го критикуваа падот на вредноста на акциите за околу 36 проценти во последната година, како и прекинот на исплатата на дивиденда.

Нисан минатата фискална година објави загуба од 4,5 милијарди долари, а за првиот квартал од оваа година прогнозира загуба од 200 милијарди јени (1,38 милијарди долари), без прогноза за целата година.

Еспиноза презентираше план за драстични намалувања, вклучувајќи затворање на седум фабрики и отпуштање на 20.000 работници, што е околу 15 проценти од вкупната работна сила. Планот предизвика незадоволство кај акционерите кои го обвинија менаџментот дека го префрла товарот на кризата врз работниците, додека тие самите ги задржаа своите позиции. Промени во одборот на директори беа потребни за да се врати довербата на акционерите и вработените.

Кризата на Нисан го одразува поширокиот притисок врз јапонските компании да го решат проблемот со структурите „мајка-подружница“, каде што матичните компании имаат значителни удели во подружниците, кои се сметаат за неправедни кон малцинските акционери и го ослабуваат корпоративното управување.