Тренерот на Серена Вилијамс, Патрик Муратоглу смета дека најдобриот светски тенисер е фаворит на Вимблдон, но е дека ќе биде под голем притисок.
Новак Ѓоковиќ утре ја започнува одбраната на титулата на Вимблдон против британскиот тенисер Џек Дрејпер.

– Новак дефинитивно е фаворит. „Златниот слем“ е голем притисок кој сигурен сум дека го чувствува. Знае дека може и знае дека мора да ги надмине двајцата тенисери и тоа му е целта. Ѓоковиќ сака да биде тенисер со највеќе Грен слем титули и најголем предизвик ќе му биде да се носи со тој притисок – вели Муратоглу.
Новак Ѓоковиќ има 19 грен слем титули во кариерата, додека Рожер Федерер и Рафаел Надал имаат по една повеќе, но за голем број тениски експерти токму на годинешното издание, српскиот тенисер има шанса да се израмни со конкурентите.