На дневен ред на собраниската Комисија за политички систем денеска е Годишниот извештај за степенот на обезбедувањето, почитување, унапредување и заштита на човековите слободи и права 2022.

Извештајот беше презентиран минатиот месец од страна на Народниот правобранител Насер Зибери. Според податоците, детските права, правосудството, граѓанските состојби, потрошувачките права… се дел од областите во кои има констатирано најмногу повреди во 2022 година.

Соглaсно законските одредби, Зибери го достави Годишниот извештај до Собранието на Република Северна Македонија.

Властите во наредниот период, како што истакна Зибери, треба сериозно да се ангажираат за да се донесат законски измени, некои да се допрецизират, или да се изнајдат системски решенија, се со цел на граѓаните да не им се прекршуваат нивните права.

Пратениците треба да го разгледаат и Предлог на законот за изменување и дополнување на Законот за националната инфраструктура на просторните податоци на Република Македонија, во второ читање.