Универзитетскиот професор, поранешен министер за одбрана и член на Советот за безбедност во три мандати, Трајан Гоцевски во гостувањето во емисијата Аргумент+ говореше за штетата што и е нанесена на Македонија со издвојувањето од Албанија, зашто тоа нешто не им помага ниту на ЕУ, нити на Бугарија а најмалку на Македонија.

Тој смета дека ЕУ не може да ни даде гаранции за пристапниот процес, но она што можат да го направат политичките елити во земјава е да не скршнуваат од патот кон ЕУ, како наша стратегиска цел и да градат консензус за клучните државни интереси.

Светот се менува многу брзо, побрзо од она што очекуваме, смета Гоцевски и малите земји како Македонија не може да си го дозволат луксузот да напуштаат интеграции на кои работеле над триесет години. Треба енергијата и силата да се концентрираат дома на јакнење на внатрешните институции и на консолидација на реформите.