Скот Паркер (41) не е повеќе менаџер на Борнмут, официјално потврдија од клубот. Младиот англиски менаџер доби отказ после само три кола оваа сезона во Премиер лигата.

Паркер, кој успеа да го врати клубот во елитниот ранг на англискиот фудбал, ја напушти клупата после катастрофата која ја доживеа изминатиот викенд.

Беа совладани со дури 9:0 од Ливерпул, што е еден од најголемите порази во премиерлигашката историја.

Лошата гол-разлика од 14:1 веројатно го натера да заборави на сето добро што го направи лани во Борнмут, кога со Фулам обезбеди директна промоција во елитното место на англискиот фудбал.

Паркер е менаџер кој „најбрзо доби отказ“ во Премиер лигата од 1998 година кога Кристијан Грос беше отпуштен исто така по три кола, а ќе видиме колку брзо ќе ангажира ново решение бидејќи преодниот рок истекува за 48 часа, па затоа не би било лошо доколку ангажираат и засилувања за да го зачуваат статусот во Премиер лигата.