Сопствениците на социјалните мрежи се обидуваат преку нив да „ја соборат демократијата“ и тие мора да одговараат за „труење на општеството“, рече шпанскиот премиер Педро Санчез во обраќање на Светскиот економски форум во Давос, според „Политико“.

Санчез вели дека ќе предложи алгоритмите на социјалните мрежи да се направат потранспарентни, на претстојниот состанок на Европскиот совет. Тој го парафразираше предизборниот слоган на Доналд Трамп „Да ја направиме Америка повторно голема“.

– Еден сопственик на мал ресторан ќе одговара доколку ги отруе гостите со неговата храна. И магнатите на социјалните мрежи треба да одговараат ако нивните алгоритми го трујат нашето општество. Да ја вратиме контролата. Да ги направиме социјалните мрежи повторно големи, рече Санчез.

Шпанскиот премиер предупреди дека додека социјалните мрежи имаат голема моќ да ги поврзат луѓето на големи растојанија, но тие имаат и слабости „скриени во утробата на алгоритмите како напаѓачите во стомакот на тројанскиот коњ“.