Сушата и топлината предизвикани од климатските промени и други фактори се закануваат да предизвикаат колапс на бујниот систем на амазонските прашуми во Јужна Америка, објавија научниците во средата во студијата која покажа дека речиси половина од областа може да биде доведена до точка на уништување до 2050 година, објави Ројтерс.

„Регионот е се повеќе изложен на невиден потрес од зголемување на температурите, екстремни суши, уништување на шумите и пожари, дури и во централните и оддалечените делови на системот“, велат истражувачите во студијата објавена во списанието „Nature“.

Истражувачите процениле дека 10% до 47% од сегашната шумска покривка на Амазон ќе се соочи со овие комбинирани уништувачки фактори до 2050 година.

„Откако ќе ја преминеме оваа пресвртна точка, можеби веќе не можеме да направиме ништо“, истакнал екологот Бернардо Флорес од Универзитетот во Санта Катарина во Бразил, главен автор на извештајот насловен како „Шумата сама ќе умре.

Време е, вели тој, да се прогласи „црвен аларм“ за Амазон, најголемата тропска прашума во светот.

Со затоплувањето на температурите кои ја намалуваат влагата во регионот, дождовната шума постојано се претвора во савана или други облици на деградирани екосистеми со поголема веројатност да изгорат во шумски пожари. Оваа трансформација означува голема промена за Амазон, каде што повеќето пожари сега се предизвикани од сточари или фармери кои расчистуваат земјиште.

Студијата го означи последниот обид да се процени дали – и кога – екосистемот на дождовните шуми може да се смени, што може да биде катастрофален настан со оглед на важноста на Амазон во апсорпцијата на големи количини на јаглерод диоксид што ја загрева климата од атмосферата.

Истражувачите признаа одредена несигурност во проектираните резултати, но рекоа дека трендот е јасен – дека екосистемот се приближува кон промена.