Глобалната потрошувачка на пиво се намалува, што е лоша вест за Франција, која самата произведува 30 проценти од сладот ​​во светот, објавија денес француските медиуми, нагласувајќи дека Франција сè уште има намера да ја задржи својата водечка позиција на пазарот како најголем извозник на основната состојка за производство на пиво.

Како што објави француската БФМ телевизија, Франција произведува 30 проценти од светскиот слад и е водечки извозник во светот речиси 50 години, со 14 фабрики и три главни производители во земјата.

Во најголемата фабрика за слад во Франција, годишно се преработуваат 275.000 тони од оваа клучна состојка, која потоа се транспортира со брод до пиварници во Северна Европа, Азија и Африка.