Точно во 7 часот беа отворени сите избирачки места во Општина Битола. Гласањето се одвива беа проблеми на 170 избирачки места. Излезноста на гласачите во Битола до 11 часот е 17,40 проценти за претседателските избори и 17,60 % за парламентарните избори, информираше Игор Талевски, претседател на Општинската изборна комисија.

-Право на глас за претседателските избори во вториот круг имаат 77.419 избирачи како што беше и во првиот круг. За парламентарните избори право на глас имаат 77.578 избирачи-додава Талевски.

Во текот на вчерашниот ден беше спроведено гласањето за болни и изнемоштени лица и тоа право го остварија 221 лице.

– Во Битолскиот затвор затворениците гласаа и за претседателски и за парламентарни избори. Од нив, 77 гласаа за претседател, а 82 за парламентарните избори. Додека во Домот за стари лица „Сју Рајдер” гласаа вкупно 57 штитеници – информираше Игор Талевски претседател на ОИК Битола.

Овие резултати според него се должат на тоа што станува збор за двојни избори и поради тоа што се обработени помал број на избирачки места.

Разговарајќи со дел од гласачите на избирачките места, тие ни изјавија дека трендот на иселување на битолчани во странство, особено кај младите продолжува и Битола станува пензионерски град.

-Тој тренд на иселување ќе беше уште поголем доколку не беа двете најголеми странски компании во Битола кои вработуваат главно млади битолчани- ни рече битолчанецот Трајче Ристевски.

Овие избори ќе донесат нови нешта не само во политиката, туку и во самиот живот на граѓаните. Мислам дека по овие двојни избори Македонија ќе тргне напред-ни изјави Стефан Ѓоргиевски кој долги години живее и работи во Австралија.