Кандидатот за градоначалник на Град Скопје од ВМРО-ДПМНЕ, Орце Ѓорѓиевски, во рамки на изборната кампања, вчера се сретна со жителите на општина Чаир.

– Вечерва сум меѓу моите чаирчани, вистински домаќини кои сакаат и заслужуваат подобар живот во Скопје – порача Ѓорѓиевски во обраќањето пред граѓаните.

Тој ја претстави својата визија за Скопје, истакнувајќи дека не се бега од проблемите, туку се нуди храбро соочување со нив и реални решенија.

– Проблемите се големи, но решенија постојат и ние ги имаме. Ви ветувам дека ќе работиме посветено и деноноќно, без изговори, за Скопје повторно да стане достоинствено место за живеење – рече Ѓорѓиевски.

Тој додаде дека Чаир во изминатите години бил запуштен и запоставен, но дека тоа нема да биде случај во следниот мандат.

– Подавам рака на сите, затоа што Скопје е наш заеднички дом. Заедно ќе го изградиме градот каков што навистина го заслужуваме – порача кандидатот на ВМРО-ДПМНЕ.