Најдобрата македонска тенисерка Лина Ѓорческа продолжува со одличните настапи и петта недела по ред бележи напредок на ВТА ранг-листата. Благодарение на четвртфиналето на турнирот во Куршумлиска Бања, таа скокна девет позиции и од денеска се наоѓа на 198. место – со што по подолго време се врати меѓу најдобрите 200 тенисерки во светот.

Ѓорческа требаше да настапи на турнирот во бугарскиот град Пазарџик, но го откажа учеството и ќе земе кратка пауза по интензивниот период.

На врвот на ВТА листата нема промени – Арина Сабаленка и понатаму води, но Ига Швјонтек ја намали разликата за 500 поени по освојувањето на титулата во Сеул.

Преземено од: Спорт.ком.мк