Новак Ѓоковиќ продолжува со импресивните настапи на САД Опен и покрај загубениот сет, без поголеми проблеми го совлада Камерон Нори со 3-1 во сетови (6-4, 6-7, 6-2, 6-3) и обезбеди пласман меѓу најдобрите 16 на грен-слемот во Њујорк.

Српскиот ас одлично го отвори мечот, брзо го освои првиот сет со еден брејк разлика, но Нори успеа да му парира во вториот, во кој по долга борба и неизвесен тајбрејк изедначи на 1-1.

Сепак, тоа само го разбуди Ѓоковиќ, кој во следните два сета ја презеде контролата и со сигурна игра го приведе мечот кон крај, дозволувајќи му на Британецот само пет гема.

Во осминафиналето Ѓоковиќ ќе се соочи со Германецот Јан-Ленард Штруф, кој убедливо го елиминираше Франсис Тиафо со 3-0.