САД Опен, последниот грен-слем турнир во тениската сезона, полека влегува во главната фаза, но покрај тениските пресметки, големо внимание привлекува и мирисот на марихуана на терените, кој, според дел од тенисерите, се чувствува буквално на секој чекор.

Прв со реакција беше Каспер Руд, кој изрази незадоволство од ситуацијата, а сега за ова зборуваше и Новак Ѓоковиќ.

„Се чувствува, не може да се каже дека не се чувствува. Искрено, се чувствува повеќе отколку на кое било друго место! Некому му пречи повеќе, некому помалку,  јас не сум љубител на тој мирис, всушност смрдеа. Но, тука е дозволено и едноставно мораш да го прифатиш тоа. Се чувствува и на тренинзи и на мечевите… Таква е ситуацијата“, изјави Ѓоковиќ на прес-конференција во Њујорк, одговарајќи на прашања од новинарите.

Алкараз експресно до трето коло на САД Опен, изгуби само четири гема