Најдобриот српски тенисер Новак Ѓоковиќ го потврди учеството на претстојниот турнир во Доха на кој ќе има можност да го освои 100. трофеј во кариерата.

Ѓоковиќ не можеше да го постигне споменатиот подвиг на неговиот омилен Грен слем турнир минатиот месец во Мелбурн, но ќе има можност да го поправи тоа почнувајќи од следната недела во Катар, откако речиси се опорави од повредата.

– Веќе нема руптура во мускулот, повредата е речиси 100 отсто санирана и подготвен сум да одам на нови работни победи. Имам зелено светло од лекарскиот тим дека можам да тренирам, да се подготвам. Турнирот во Доха сега е закажан за седум дена, па се држам до распоредот – вели Ѓоковиќ.

За потсетување, турнирот во Доха започнува во понеделник на 17 февруари.

А по голема веројатност Ѓоковиќ ќе ја продолжи соработката со тренерот Енди Мареј според британски „Тајмс“.