Новак Ѓоковиќ со пласманот во финалето во Вимблдон откако во полуфиналето беше подобар од Британецот Камерон Нори, собори уште еден рекорд, ќе игра во највеќе гренд слем финалиња.

Српскиот тенисер сега е лидер на вечната листа бидејќи в недела ќе игра во 32 гренд слем финале во кариерата.

Ѓоковиќ зад себе го остави Рожер Федерер кој има 31 гренд слем финале, додека трет е Рафаел Надал кој досега играл 29 пати во финалињата на најголемите тениски турнири.

Највеќе финалиња, Ѓоковиќ има одиграно на Австралија Опен и на УС Опен, по девет. Интересно е што на Австралија Опен нема пораз во финалињата, додека на УС Опен има три триумфи и шест порази.

Србинот в недела по осми пат ќе игра во финалето на Вимблдон, а има шест триумфи и еден пораз. Шест пати играше и во финалето на Ролан Гарос, а има два триумфи.

Противник на Ѓоковиќ во финалето на Вимблдон ќе му биде Ник Кирјос за кого тоа ќе биде прво гренд слем финале.

Ѓоковиќ си закажа пресметка со Кирјос во финалето на Вимблдон