Српскиот тенисер Новак Ѓоковиќ се пласираше меѓу осумте најдобри на мастерс турнирот во Париз, Франција.

Првиот светски рекет денеска едвај го совлада Холанѓанецот Талон Грикспор со резултат 2:1 во сетови 4:6, 7:6 и 6:4.

Ѓоковиќ дојде многу потешко од очекувањата до победата после загубениот прв сет, а во вториот беше подобар дури во тај-брејкот.

По завршувањето на мечот Ѓоковиќ откри на овој меч не бил во најдобра здравствена состојба, односно имал стомачни проблеми.

– Грикспор играше на многу високо ниво, му честитам за тоа. Ќе победеше вечерва, ако го направеше тоа, ќе беше заслужено. Имав стомачни проблеми и не се чувствував добро. Најверојатно имам стомачен вирус. Се обидов да го задржам мојот сервис и да стигнам до тајбрејк, што го направив во вториот сет. Во третиот почнав да играм малку подобро – рече Ѓоковиќ.

За пласман во полуфиналето Ноле ќе игра со подобриот од мечот Алтмајер – Руне.

Веќе се познати останатите четвртфинални двојки во Париз: Де Минор – Рубљов, Хуркач – Димитров и Циципас – Хачанов.