Новак Ѓоковиќ за помалку од два часа на теренот во осминафиналето на САД Опен го совлада Германецот, Јан Ленард Штруф и така обезбеди место помеѓу најдобите осум на турнирот. По победата Ѓоковиќ беше рспложен, но и призна дека и самиот не знае уште колку долго ќе може да игра на највисоко ниво.

„Веројатно сега, при крајот на кариерата, повеќе ми годат овие вечерни термини. Не знам уште колку ќе имам прилика да играм тука, затоа благодараност до сите навивачи што вечерва беа тука“, изјави Ѓоковиќ пред публиката која во најголем дел беше на негова страна.

Српскиот ас не гго криеше и задоволството од играта која ја прикажа.

„Во претходниот меч сервирав добро, а ни вечерва не беше лошо. Противникот имаше многу силен сервис, но јас се чувствував одлично на теренот и знаев што треба да направам. Задоволен сум од настапот и од тоа што се пласирав понатаму“, истакна Новак.

Да потсетиме, во четвртфиналето Ѓоковиќ ќе се сретне со домашниот тенисер Тејлор Фриц, кој исто така во три сета го елиминираше Чехот Томаш Махач.