Новак Ѓоковиќ продолжи со своите игурни настапи по патот кон својата 25. грен-слем титула и јубилејна 100. титула во кариерата, откако во четвртфиналето на САД Опен со 3:1 во сетови го совлада Американецот Тејлор Фриц. Мечот траеше три и пол часа, а српскиот ас уште еднаш покажа зошто е еден од најдобрите на сите времиња.

Ѓоковиќ ги освои првите два сета со 6:3 и 7:5, додека Фриц успеа да се врати во третиот со 6:3. Но, тоа беше сè од Американецот, Новак во четвртиот сет го затвори мечот со 6:4 и обезбеди место меѓу четворицата најдобри на турнирот. Во текот на целиот меч, Ѓоковиќ загуби само два свои сервиси.

Во борбата за пласман во големото финале, Ѓоковиќ ќе се сретне со Карлос Алкараз со кого ќе игра в петок.