Српскиот тенисер, Новак Ѓоковиќ по победата над Корентан Муте (2:0), беше погоден со шише кое случајно испадна од ранецот на навивач кој чекаше автограм на излезот од теренот.

По овој инцидент, најдобриот играч на светот кажа дека се чувствува добро и им се обрати на своите фанови преку социјалните мрежи.

– Ви благодарам за пораките. Ова беше несреќен случај и јас сум добро, се одмарам во хотел со ладни облоги. Се гледаме во недела – напиша Ѓоковиќ по инцидентот на АТП турнирот во Рим.

Србинот се здоби со расекотина, па поради мачнини и вртоглавици ја откажа прес-конференцијата.

Ѓоковиќ во недела во третото коло ќе игра против Чилеанецот Алехандро Табило.

Фуриозен старт на Ѓоковиќ на турнирот во Рим, Кецмановиќ го изненади Руд