Новак Ѓоковиќ ја оправда фаворитската улога и за првпат оваа година на Австралија Опен славеше победа без изгубен сет. Најдобриот светски тенисер беше подобар од Аргентинецот Томаш Ечвери со 3:0 во сетови (6-3, 6-3, 7-5).

Во првите два сета Ѓоковиќ рано дојде до брејк, па без поголема неизвесност дојде до водство од 2:0. Најдраматичен беше третиот сет, во кој ниту еден од тенисерите не само што не направи брејк, туку немаше ниту една брејк-топка, што значеше играње на тај-брејк. Србинот во овој екстра-гем го покажа својот квалитет и искуство и успеа да го скрши отпорот на мотивираниот противник.

Следен противник на Ѓоковиќ во осминафиналето ќе биде победникот од пресметката помеѓу Американецот Шелтон и Французинот Манарино.