Рестораните, кафулињата и хотелите во Германија се соочуваат со сериозни предизвици и се соочуваат со шеста последователна полугодија загуби, бидејќи гостите сè повеќе штедат пари, а трошоците за работна сила, енергија, материјали и осигурување растат- објави Политика.

Според истражувањето на Германското здружение на хотелиери и ресторани (Dehoga), во кое учествувале речиси 4.000 компании, во јули е забележан пад на прометот од околу девет проценти. Приходите на германските ресторани се намалиле за 3,7 проценти на годишно ниво во првите шест месеци од 2025 година, а за дури 15,1 процент во споредба со 2019 година.

Претседателот на организацијата Dehoga, Гвидо Челик, истакнува дека дури 32 проценти од компаниите ги оценуваат резервациите на гостите во август и септември како „лоши“ и „многу лоши“, додека само 23,8 проценти ја гледаат ситуацијата како „добра“ или „многу добра“. Тој ги повика германските власти да преземат итни мерки за поддршка, вклучувајќи даночни олеснувања, пофлексибилно работно време и намалување на бирократијата, објавува Wierschaftswohe.

Здружението очекува дека законското воведување на данок на додадена вредност од седум проценти на оброците во ресторани до јануари 2026 година би можело да го стабилизира секторот, да придонесе за зачувување на работните места, да овозможи модернизација и инвестиции во дигитализација, како и поконкурентна понуда во споредба со услугите за достава и готовите производи од продавниците.