Германските царински службеници открија околу 1.500 тарантули скриени во амбалажата од бисквити од Виетнам на аеродромот во Келн во сојузната покраина Северна Рајна-Вестфалија, соопшти денес Главната царинска служба на Келн.
Младите пајаци, затворени во мали пластични кутии, биле наменети за маж кој живее на западот од земјата, против кого се води кривична постапка.

Пријавен како пратка бисквити, пакетот тежел вкупно седум килограми, објавува германскиот портал Штерн.
Царинските службеници изјавија дека многу тарантули не го преживеале патувањето бидејќи не биле транспортирани во соодветни услови, што е прекршување на прописите за благосостојба на животните.

Останатите животни биле доверени на професионална грижа, според соопштението.

Царинските службеници изјавија дека забележале необичен мирис при отворањето.

„Необичното откритие ги остави без зборови дури и најискусните царински службеници. Тоа беше извонредна заплена за германската царина, иако сме тажни од она што некои луѓе им го прават на животните чисто за профит“, изјави портпаролот на Генералната царинска управа, Јенс Аланд.

Тој додаде дека дури и „најискусните царински службеници останале без зборови“ по ова откритие.

Во царинското соопштение се наведува дека е покрената кривична постапка против примателот на пакетот.

Ве молиме имајте предвид дека животните од земји надвор од ЕУ подлежат на строги прописи за увоз.