ИГ Метал, синдикатот на работниците во германската метална индустрија, во четвртокот најави поодлучна борба за воведување четиридневна работна недела.

Еден од највлијателните синдикати во Германија, кој ги застапува и вработените во автомобилската индустрија, најави дека четиридневната работна недела со целосна плата ќе биде една од главните ставки на идните преговори за колективните договори, пренесува Феникс, објави Н1Инфо.

„Тоа е следниот чекор во атрактивен индустриски работен свет каде работата и приватниот живот добро се надополнуваат“, рече претседателот на ИГ Метал, Јоерг Хофман.

Тој, исто така, истакна дека металната индустрија исто така во минатото била во првите редови на „напредните преговори“ за германската индустрија. Така, во преговорите во 1978 година, таа добила 35-часовна работна недела, што во меѓувреме важи за вработените не само во металната, туку и во електроиндустријата. Иницијативата на ИГ Метал за четиридневна работна недела со целосна плата ја поддржа и парламентарната партија Левица.

„Четиринеделната работна недела не е само фантазија, туку реалност во многу земји“, рече Мартин Ширдеван, потпретседател на партијата Левица.

Тој рече дека искуствата од Шведска, Исланд или Белгија покажуваат дека овој тип на работна организација ја зголемува продуктивноста и го намалува работниот притисок. Претставниците на работодавачите го отфрлија предлогот на синдикатот, посочувајќи на веќе намалената работна недела од 35 часа во однос на другите економски области.