Германската кошаркарска репрезентација е првиот финалист на Европското првенство. Германците денеска ја победија Финска во полуфиналето и сега го чекаат подобриот од дуелот Турција-Грција.

Најзаслужен играч за триумфот на актуелниот светски шампион беше Денис Шредер, кој постигна 26 поени и 12 асистенции, со што влезе во историјата на Евробаскетот.

Имено, Шредер стана само вториот во историјата што постигнал над 25 поени, а исто така имал и 12 асистенции.

Претходно, само Русинот Алексеј Швед успеа да го направи ова, кој постигна 27 поени и 12 асистенции против Хрватска во 2017 година.

Шредер стана и четвртиот во историјата што запишал 12 асистенции во полуфинален меч.

ВИДЕО | Германија чекаше 20 години за ново финале на Евробаскет