Германскиот министер за внатрешни работи Хорст Зехофер не ја прифати поканата на министерот за здравство Јенс Шпан да се вакцинира со вакцината на „Астра зенека“.

– Мојот одговор на повикот на Шпан е „не“. Не дозволувам никој да ми го наметнува своето мислење, изјави Зехофер за Билд, притоа наведувајќи дека не сака да ја оценува таа вакцина.

Министерот Шпан на последната владина седница ги повика сите свои колеги постари од 60 години да се вакцинираат со вакцината на „Астра зенека“, со цел да се зголеми довербата во таа вакцина.

За разлика од Зехофер, денеска германскиот претседател Франк-Валтер Штајнмаер (65) ја прими првата доза вакцина против коронавирус на производителот „Астра Зенека”.

„Верувам во вакцините кои се одобрени  во Германија. Вакцинацијата е клучна за излез од пандемијата. Искористете ги можностите што ви се даваат”, се наведува во соопштението од Кабинетот на шефот на државата.

Германскиот претседател Штајнмаер се вакцинираше со Астра Зенека