Главниот дел од германската воена единица што ќе биде распоредена во Литванија ќе почне да пристигнува во 2025 година, а целосна борбена готовност ќе достигне до 2027 година, изјави денеска на прес-конференција литванскиот министер за одбрана Арвидас Анусаускас.

Германскиот министер за одбрана Борис Писторијус денеска изјави дека договорот за трајно распоредување на германската бригада во Литванија е „историски момент“, инсистирајќи дека ова е првпат Германија долгорочно да стационира свои војници надвор од нејзините граници.

„Сакаме и сме подготвени да ја браниме територијата на НАТО“, рече Писторијус на заедничката прес-конференција со неговиот литвански колега Анусаускас.