Германската Федерална канцеларија за заштита на Уставот, во својот последен годишен извештај, тврди дека најголемата опозициска партија, Алтернатива за Германија (АфД), сè повеќе собира десничарски екстремисти.

Според извештаите, бројот на десничарски екстремисти во рамките на АфД се зголемил за 77 проценти минатата година и сега изнесува околу 20.000 членови, соопшти агенцијата, пренесе Ројтерс.

Во соопштението се наведува дека изјавите на партиските функционери честопати содржат ксенофобични и исламофобични ставови, а тие ги обвинуваат мигрантите од земјите со мнозинско исламско население за „културна некомпатибилност“ и „склоност кон криминално однесување“.