– Германија прави планови за брзо проширување на својата мрежа на бункери и засолништа отпорни на бомби, со цел да биде подготвена за потенцијален руски напад во следните четири години, изјави денеска шефот на Федералната служба за цивилна заштита и помош при катастрофи (ББК), Ралф Тислер.

Тој предупреди дека Германија „мора да се разбуди“ бидејќи, како што наведе, конфликт со Русија е реална можност, а Германија во моментов не е доволно подготвена.

„Долго време во Германија имаше широко распространето верување дека војната не е сценарио за кое треба да се подготвиме. Тоа се промени. Загрижени сме поради ризикот од голема агресивна војна во Европа“, изјави тој за весникот Цајтунг цајтунг.