Висококвалификувани граѓани на Узбекистан ќе добијат олеснување да дојдат во Германија за да ја ги пополнат празните работни места и да ја зајакнат економијата, а во спротивна насока Берлин ќе испрати некои од нелегалните мигранти.

Ова е суштината на новиот билатерален договор што го потпишаа германскиот канцелар Олаф Шолц и узбекистанскиот претседател Шавкат Мирзијојев во Самарканд.

– Ќе ја овозможиме неопходната миграција на работници со голем талент, какви што ни се потребни во Германија, за да може нашата економија да расте – изјави Шолц во Самарканд.

Канцеларот додаде дека договорот предвидува „едноставни и небирократски процедури за мигрантите што Германија ќе ги врати во Узбекистан“, без да објаснува детали.

Тој избегна да одговори на шпекулациите дека договорот со Узбекистан опфаќа и враќање мигранти од Авганистан. Берлин на 30 август објави дека ја запира депортацијата на обвинети криминалци од Авганистан во нивната земја, поради стравувањата дека ќе им биде загрозен животот од талибанските власти.