После завршувањето на осминафиналните, следуваат четвртфиналните натпревари на Европското првенство во кошарка кои ќе стартуваат во вторник (9 септември) во Рига, Летонија.

Иако беше прв фаворит според ФИБА ранкинзите, српската репрезентација беше елиминирана уште во осминафиналето од селекцијата на Финска.

Шпанија го заврши настапот веќе во групната фаза, па така познато е дека Европа ќе биде нов шампион.

Германија која во осминафиналето беше подобра од Португалија, може да ги обедини европската и светската титула.

А токму на актуелниот светски шампион според обложувалниците му се даваат најголеми шанси за освојување на пехарот на Евробаскет 2025.

Следен предизвик за најдобрите германски кошаркари ќе биде Словенија на Лука Дончиќ в среда од 20.00 часот.

Коефициенти за злато на Евробаскет:

– Германија 1.65
– Турција 4
– Грција 5.5
– Литванија 34
– Финска 34
– Словенија 41
– Грузија 51
– Полска 51

Познати се сите двојки и термини за четвртфиналето на Евробаскет