26-годишен германски државјанин вчера на полноќ е уапсен на граничниот премин „Долно Блаце“, откако се обидел да влезе во Македонија со фалсификувани италијански документи, соопшти МВР.

„Денеска (24.04.2025) во 00.10 часот на Граничен премин Долно Блаце, на влез во државата, полициски службеници го лишиле од слобода А.Б.(26) од Сојузна Република Германија затоа што при гранична контрола е констатирано дека на увид приложил фалсификувани италијански лична карта и возачка дозвола. Тој бил предаден на полициски службеници во Одделението за прекуграничен криминал и миграции Скопје и по целосно документирање на случајот против него ќе биде поднесена соодветна пријава“, пишува во полицискиот билтен.