По пандемијата, германските студенти повторно одлучуваат да студираат во странство, покажуваат податоците од германскиот национален завод за статистика.

Како што јави ДПА, Околу 138.000 германски ученици ја започнале учебната 2022 година надвор од земјата, еден процент повеќе отколку во 2021 година.

„Трендот на раст е забележлив по паузата од пандемијата во 2020 и 2021 година“, велат од Националниот завод за статистика.

Бројката од почетокот на учебната 2023/24 година, дури е малку над просекот пред пандемијата.

Инаку, германските студенти најчесто ги избираат Австрија, Холандија и Швајцарија за студирање во странство.

Бројот на германски студенти најмногу порасна во апсолутни бројки во Австрија, Португалија и Данска, а највисока релативна стапка на раст има во Малта, Финска и Малезија.

Германците во странство најчесто студираат економија, менаџмент, право, општествени науки и ИТ. Медицинските науки, пак, најчесто се изучуваат во Источна Европа, пред се во Литванија, Унгарија или Полска.