Поранешниот англиски селектор, Герет Саутејт пронајде нов ангажман и во иднина ќе работи во УЕФА.

Саутгејт одлучи да остане во фудбалот, но повеќе нема да биде тренер, туку ќе има улога на технички набљудувач. Поранешниот селектор на Англија така ќе ги анализира натпреварите од тренерска преспектива и ќе и помогна на УЕФА да воведе нови трендови во фудбалот.

По секој натпревар кој ќе го работи, Саутгејт и неговите колеги ќе претставуваат видеоматеријали и статистички податоци до Европската куќа на фудбалот.

Саутгејт оваа должност веќе еднаш ја извршуваше и тоа во финалето од Лигата на шампоните минатата сезона. Освен него со оваа работа се занимаваа Фабио Капело, Аврам Грант и Франк Де Бур.