Екипи на Општина Центар  со механизација ја исчистија дивата депонија лоцирана позади Амбасада на Република Грција. Градоначалникот Горан Герасимовски вели дека  чистењето на дивите депонии е приоритет на Општината, затоа што тие претставуваат закана за здравјето на граѓаните и животната средина.

Депониите се потенцијален извор на инфекции, загадување и опасност за жителите. Наша обврска е да реагираме брзо и ефикасно, грижата за чиста и здрава околина мора да биде заедничка одговорност на институциите и граѓаните, вели Герасимовски.

Тој информира дека ова е третата исчистена депонија во последните неколку месеци, откако претходно биле отстранети дивата депонија позади трговскиот центар „Буњаковец“ кај катната гаража и депонијата во близина на трговскиот центар Ист Гејл Мол,  иако таа била под надлежност на Градот Скопје.

Ги повикувам сите граѓани да пријавуваат диви депонии и проблеми со јавната чистота со цел навремена интервенција на општинските служби. Пријавите можат да се достават на телефонските броеви: 076/350-767 и 02/3203-693. Нашите служби веднаш ќе излезат на терен за да ја подобриме хигиената во Центар. Само со заеднички напори можеме да создадеме поубаво и почисто место за живеење, апелира  Герасимовски.