Сопствениците на компанија од Битолско ќе одговараат за измама откако зеле жито вредно над 140.000 евра од 27 земјоделци и не го платиле, соопшти МВР. Случајот претходно го објави порталот „Зелена берза“.

„СВР Битола до Основното јавно обвинителство Битола, поднесе кривична пријава против Д.Н.(30) од село Долно Оризари, битолско, П.Н.(57)од с.Путурус, општина Могила и две правни лица од с.Долно Оризари. Првопријавениот во текот на 2023 и 2024 година, во својство на овластено лице-управител во трето и четвртопријавените правни лица и второпријавениот – сопственик на трето и четвртопријавеното правно лице довеле во заблуда 27 лица, од кои 25 земјоделци од пелагонискиот регион и две превозни претпријатија дека после извршен откуп на житни култури за одреден временски период ќе им платат и ги убедиле да ја предадат житната култура, со што вкупно им нанеле материјална штета во износ од 141.650 евра“, велат од полицијата.

Дел од измамените земјоделци се сомневаат дека газдите на „Путурус промет“ избегале со парите.