Претседателот на Собранието Африм Гаши вели дека не знае како ниту кога ќе се реши прашањето за учеството на независните кандидати на претстојните локлани избори. Тој сепак, потенцира дека тоа мора да се реши и партиите да го донесат законот.

Без регулатива и правила, независните не може да се кандидираат на престојните избори.

„Уставниот суд кажа да се донесе нов Изборен законик откако во март ги укина членовите со кои на независните кандидати им беа потребни зголемен број потписи за да се кандидираат на избори, но еве сега и на крајот на јули не се исполнети условите за да се донесат новите норми. Имаше согласност од големите партии, а се противеа ДУИ и Левица. Ако имаме услови до крајот на месецов би го изгласале, ако не, не знам. Ќе треба да се продолжи по старите решенија да се оди на избори. Ќе треба да најдеме решение. Ова сме го збореле на координации со координаторите на сите пратенички групи дека Изборниот законик е нешто што е приоритетно и мораме да најдеме начин да го решиме. Гледаме најбрзо што можеме, дали до 31 јули, ако не, веднаш по одморите кон крајот на август да го решиме тоа“, рече Гаши.

Најави дека во првите 10 дена на август се очекува да ги распише локалните избори кои треба да се одржат во октомври.