Според украинските власти, повеќе од 40 украински војници загинале, а 10 цивили се убиени во руското гранатирање на Украина, кое трае од утринава.

Шокантни фотографии, наводно направени по бомбардирањето на источниот украински град Чугуев, покажуваат луѓе кои стојат до телото на роднина како лежи на земја додека руските вооружени сили се обидуваат да ја нападнат Украина од неколку правци, користејќи ракетни системи и хеликоптери за да ја нападнат Украин на југ, соопшти граничната служба.

Руските копнени сили влегоа во Украина од неколку правци, објави украинската гранична служба, неколку часа откако претседателот Владимир Путин објави дека започнува специјална воена операција. Руски тенкови и друга тешка опрема ја преминаа границата во неколку северни региони, како и од полуостровот Крим кој го анектираше Кремљ на југ, соопшти агенцијата.

Володимир Зеленски и се обрати на својата нација, испраќајќи молба до сите кои имаат воено искуство да се приклучат во одбраната на Украина.

– Русија утринава предавнички ја нападна нашата земја, како што тоа го направи нацистичка Германија во Втората светска војна. Нашите земји од денес се на различни страни од светската историја. Русија тргна по патот на злото, но Украина се брани и нема да се откаже од слободата, без разлика што мисли Москва – напиша Зеленски на Твитер веднаш по обраќањето на својата нација.