Шведската активистка Грета Тунберг не учествуваше во дискусијата „Стоп за воената машинерија: Борбата против империјализмот и капиталистичките војни“, која вечерва се одржа во Социјалниот центар „Дуња“, иако претходно преку видео на социјалните мрежи упати повик до граѓаните за нивно вклучување. Иако јавноста очекуваше нејзино обраќање, сепак, тоа не се случи.

„Она што се случува во Газа не е изолирано од климатската криза. Тоа е истиот насилен систем изграден врз експлоатација, окупација и профит над животот. Јас сум во Скопје, а вчера македонскиот парламент гласаше против хуманитарна помош за Газа. Мора да застанеме солидарно, да се поврземе и спротиставиме заедно. Ќе се приклучам на дискусијава во ‘Дуња’ и протестната блокада утре во Дошница“, објави претходно таа во видео – повикот.

Тунберг не седеше ниту покрај говорниците на настанот.

Објективот на „Слободен печат“ ја забележа популарната Грета како го следи настанот од терасата во социјалниот центар и до самиот крај, не им се приклучи на останатите говорници.

Грета Тунберг е веќе втор ден е во Македонија. Прво беше во посета на Тетово, по што пристигна во Скопје.

Утре, како што и самата најави, ќе се приклучи на утрешната протестна блокада за спас на реката Дошница на планината Кожуф.

ВИДЕО: Грета Тунберг повикува на протестната блокада против хидроцентралите на Кожуф утре

Пред да дојде во Македонија, Тунберг неделава беше присутна на протест во Тирана Албанија, на плоштадот „Скендербег“ за да го крене својот глас за страдањата на палестинскиот народ предизвикани од Израел.