Турскиот женски ракометен клуб Анталија Коњалти БСК успеа да се пласира во финалето на ЕХФ Европскиот куп за сезоната 2022/2023.

На реванш натпреварот од полуфиналето МКС ЈУВЕНТА Михаловце славеше со 33:27, но тоа не беше доволно да се анулира негативата од првиот меч кога славеше Анталија Коњалти БСК со седум голови разлика 31:24.

Македонската ракометарка Ивана Гакидова еднаш се запиша во листата на стрелците, Моника Јанеска исто така беше во составот, а како прв стрелец во победничките редови се истакна Сила Елиф Ајдин со седум погодоци.

За трофејот Анталија Коњалти БСК ќе се игра против Клуб Балонман Атлетико Гуардес кој со две победи (23:22, 22:18) во шпанската пресметка го елиминираше Елче.

Првиот меч од финалето во ЕХФ Европскиот куп ќе се игра на 29 април, а реваншот на 6 мај 2023 година.