По последните случувања на релација Македонија-Грција, и тоа што новата влада не го користи новото уставно име, се поставува прашањето како ќе се одвиваат работите во Вашингтон каде се одржува НАТО Самитот а таму се присутни премиерите на двете земји, Мицкоски и Мицотакис.

Висок функционер на Пентагон деновиве порача дека во Вашингтон ќе нема билатерални дуели, затоа што вашингтонскиот Самит е организиран да се даде значење на НАТО и неговата перспектива, рече Љубомир Гајдов, надворешно-политички коментатор, во вечерашната дебата во „Топ тема“ на ТВ Телма.

„Експлицитно е кажано дека Америка, како домаќин, како водач на НАТО, нема да дозволи балкански кавги“, истакна Гајдов.