Maкедонската футсал репрезентација претрпе пораз од Андора на гости во рамките од петтото коло во квалификациите за Европското првенство со 2:1.

Во првиот дел на средбата во Андора мрежите мируваа, а потоа на стартот од вториот дел домаќините со голот на Регало стигнаа до водство. Претходно истиот играч не реализираше и пенал.

Голот за израмнување на за Македонија го постигна Тодоровски, додека за конечни 2:1 се погрижи Блат.

Македонија во групата е последна со четири порази и едно реми, токму против Андора дома во првото коло. Пред нас се: Андора(6), Холандија (8), Португалија (18).