Најмладите надежи на фудбалската школа на ФК Пелистер, односно генерација 2014, и генерација 2012, започнаа со победи на развојниот турнир Мали Змај во Макарска. Генерацијата 2010 го започна турнирот со пораз.

ФК Пелистер У-9 победи на првиот натпревар со 1:0 против екипата на НК Ураниа, и моментно го држи првото место во својата група.

ФК Пелистер У-11 триумфираше убедливо во првиот натпревар со 3:0 против Љубушки.

Генерацијата У-13 го загуби својот прв меч против составот на Посушје со резултат 2:0.

У-9 се во групата „Д“ со Војводина Нови Сад, Унис Вогошча и НК Ураниа Башка Вода, потоа У-11 генерацијата е во групата „Е“ со ХРНК Змај Макарска, ОНК Метковиќ и НК Љубушки, додека У-13 е во групата „А“ со ХНК Хајдук Сплит 2011, НК Осиек, НК Дубрава Тим Кабел Загреб и ХШК Посушје.