Младата репрезентација на Македонија до 17 години доживеа убедлив пораз со 0:3 од соодветната селекција на Црна Гора во првиот контролен натпревар што се играше денеска.

На тренинг центарот „Петар Милошевски” во Скопје, младите фудбалери одиграа под очекувањата, лошата игра, особено во одбраната, противникот знаеше како да ја казни со три гола во мрежата на Стојановиќ.

Во првото полувреме, Македонија се обидуваше да воспостави иницијатива, но противникот одлично беше поставен на теренот. Најубавата шанса за избраниците на селекторот Тони Јакимовски беше преку Никола Величковски, но неговиот удар без проблем го одбрани противничкиот голман. Во 28. минута, лоша поставеност на нашата одбрана, Ненад Кривокапиќ се најде во одлична ситуација и успеа да го отвори резултатот.

Во продолжението, Црногорците за две минути успеаa да постигнат два гола и да дојдат до убедлив триумф. Во 59. минута Стефан Радојевиќ погоди за 2:0, а Стефан Радуловиќ во 61. минута го постави конечниот резултат.