Италијанскиот фудбалер, Николо Фаџоли кој најголем дел од сезоната беше суспендиран поради обложување од вечерашниот натпревар на Јувентус ќе има право на настап.

Фаџоли ќе конкурира за натпреварот кој Јувентус ќе го игра вечерва против Болоња. Италијанскиот фудбалер беше суспендиран во октомври 2023 година поради обложување, а првобитната казна од 12 месеци му беше намалена бидејќи одеше на терапија за одвикнување од коцкање.

Сезонава до пред да биде суспендиран одигра шест натпревари, а вечерва повторно би можеле да го гледаме на теренот. Во текот на периодот додека беше суспендиран Фаџоли нормално тренираше со тимот, па се очекува да добие минутажа.

Последните два натпревари за Јувентус немаат големо резултатско значење и тимот ќе биде предводен од Паоло Монтеро кој дојде на клупата на местото на Масимилијано Алегри кој доби отказ.

Добивал закани, должел 2.7 милиони евра и позајмувал пари од соиграчи, емотивна исповед на Фаџоли